Kontrollerte matleveringsbransjen

I regi av a-krimsenteret i Vestland blir det gjennomført ein aksjon i Bergen sentrum. Målet er å få ei oversikt over forholda i den app-baserte matleveringsbransjen.

Gjennom kontrollane har a-krimsenteret avdekka fleire moglege lovbrot blant leverandørar som tilbyr matlevering via appar. Skatteetatens undersøkingar viser blant anna teikn på svart arbeid, manglande eller feil rapportering av omsetning, og manglande momsregistreringar.

Over halvparten av dei som vart kontrollerte i Bergen har rumensk nasjonalitet. Dei fleste registrerte seg som arbeidssøkar eller arbeidstakar i Noreg i 2026, og utførte matleveringstenesta via eige enkeltpersonføretak.

Kontrollen viste også at fleire av personane som utførte oppdraget, ikkje samsvarte med den registrerte brukaren på appen til firmaet dei utførte oppdraget for. Dette var tilfelle for inntil 25 % av dei som blei kontrollert, og som viste fram app frå oppdragsgivar.

Vidare har kontrollane avdekka forhold som indikerer sosial dumping eller utnytting av arbeidstakarar. Fleire av dei kontrollerte personane var ikkje i stand til å svare på grunnleggande spørsmål om arbeidsforholdet sitt utan å kontakte andre personar.