No blir krava til forsvarleg innkvartering av arbeidstakarar tydelegare

19. april 2024

1. juni blir krava som blir stilte til innkvarteringa som arbeidsgivarar tilbyr arbeidstakarar, forskriftsfesta. Målet er å forhindre uforsvarlege og uverdige buforhold.

Særleg i bransjar som bygg og anlegg, industri, jordbruk og fiske bur mange arbeidstakarar i periodar i innkvartering som arbeidsgivar stiller til disposisjon.

At Arbeidstilsynet no forskriftsfestar reglar for innkvartering av arbeidstakarar, er eitt av tiltaka i handlingsplanen til regjeringa mot sosial dumping og arbeidslivskriminalitet.

– Det er mange fordelar med å regulere krava til innkvartering i ei forskrift. Det blir lettare å finne fram og forstå reglane for arbeidsgivarar og arbeidstakarar, og det blir tydelegare kva krav Arbeidstilsynet kan stille i tilsyn, seier avdelingsdirektør Monica Seem i Arbeidstilsynet.

Nyhet