Flaggstrid: Regjeringa opnar for statsstøtte til utanlandske skip
Regjeringa sitt forslag om å opna den norske tilskotsordninga for skip i heile EØS-området møter kraftig motbør. Både fagforeiningar, reiarar og Sjøfartsdirektoratet åtvarar. Kampen flyttar seg no til Stortinget:
– Dette vil føre til at ein vatnar ut heile ordninga, stikk i strid med dei intensjonane som låg til grunn for at vi skulle ha denne ordninga. Vi veit at sjøfolk er svært utsett for sosial dumping, sier Geir Jørgensen, Raudt.
Staten bruker rundt 2,5 milliardar kroner i året på å favorisere skip med norske flagg i hekken. No seier regjeringa at ho ikkje har anna val enn å utvide ordninga til å omfatte også dei som seglar under utanlandsk flagg. Forslaget får kritikk fra reiarlag, fagforeiningar og Sjøfartsdirektoratet.
Kritikken går ut på at forslaget ikkje berre likestiller utanlandske flagg med norske, men at det i somme tilfelle vil vera meir lønsamt å flagga ut til land med svakare regelverk.
Kampen flyttar seg no til Stortinget. Der regjeringa meiner dei reddar ordninga, svarer fleire av dei folkevalde at «redninga» gjer ordninga verdilaus for norske sjøfolk:
- Bård Ludvig Thorheim, Høgre: – Regjeringa har hatt lang tid på å finne ei løysing i tråd EØS-avtalen, som held oppe norsk konkurransekraft.
- Geir Pollestad, Senterpartiet: – Vi har gitt klar beskjed til regjeringa at den modellen dei har peika på kan dei berre gløyme. (...) Men Senterpartiet stoler på åtvaringane frå sjøfartsdirektoratet om at dette vil flerre flagget av mange skip og gå ut over norske sjøfolk.
-
Geir Jørgensen, Raudt: – I verste fall kan dette ende med at vi skal subsidiere andre land med norske midlar. Det er heilt innlysande at dette må stoppast.
____
Red:
Norsk lønn til sjøs og tilskuddsordningen (nettolønnsordningen) er sentrale virkemidler for å sikre sysselsetting av norske sjøfolk og opprettholde en maritim næring med norske lønns- og arbeidsvilkår.
I juni 2025 vedtok regjeringen norske lønnsvilkår på alle skip i innriksfart.
Regjeringen foreslår endringer i tilskuddsordningen for sysselsetting av sjøfolk (Nærings-, og fiskeridepartementet, 27.01.26) Forslaget ble sendt ut på høring 27. januar. Høringsfristen ble nylig forlenget fra 9. mars til 16. mars 2026.
