Arrangerer program for ukrainske kvinner som vil starte for seg sjølv

09. september 2024

Gjennom inkubasjonsprogrammet ReStart skal ukrainske kvinner med innovative forretningsidear lære alt dei treng for å etablere bedrift i Noreg.

– No er vi på jakt etter deltakarar som dette kan passe for, seier Daniela Gundersen, prosjektleiar i Møre og Romsdal fylkeskommunen, som er ein av arrangørane, i lag med lokale samarbeidspartnarar.

– Vi veit det er mange kvinner frå Ukraina som driv bedrift i heimlandet. No skal vi bidra til at dei kan lykkast med forretningsideen sin i eit nytt land og til at dei få jobbe med det dei er gode til, seier prosjektleiaren.

Inkubasjonsprogrammet ReStart er utvikla av BSI-4Women, eit EU-prosjekt med partnarar frå Polen, Norge, Danmark, Latvia, Litauen, Estland og Sverige.

Programmet er gratis, med fem samlingar over tre månader, i Molde eller Kristiansund. Deltakarane får personleg rådgivar og mentor, tilgang til lokale og bedriftsnettverk og samarbeidspartnarar.

Nyhet